ප්‍රාදේශීය ලේකම් කාර්යාලය - මහරගම

මහරගම ප්‍රාදේශීය ලේකම් කොට්ඨාසයෙ රාජ්‍ය ව්‍යාපෘති වල ප්‍රගතිය  සාකච්ඡා කිරීම සඳහා සම්බන්ධීකරණ රැස්වීමක් අධ්‍යාපන අමාත්‍ය පාර්ලිමේන්තු සභානායක ගරු දිනේෂ් ගුණවර්ධන මැතිතුමාගේ ප්‍රධානත්වයෙන් 2021-12-23 වන දින මහරගම ප්‍රාදේශීය  ලේකම් කාර්යාලයේදී  පවත්වන ලදී.මේ සදහා සම්බන්ධීකරණ කමිටු නියෝජ්‍ය සභාපති උපාලි කොඩිකාර මැතිතුමා සහ කාන්ති කොඩිකාර මැතිණිය ද, මහරගම ප්‍රාදේශීය ලේකම් දිල්රුක්ෂි වල්පොල මැතිතුමිය ඇතුළු රාජ්‍ය නිලධාරින්ද සහභාගී වන ලදී.

තවත් කියවන්න: සම්බන්ධීකරණ කමිටු රැස්වීම

සමෘද්ධි සෞභාග්‍යා සතිය හතරවන අදියර සමෘද්ධි ප්‍රතිලාභ ලබාදීමේ වැඩසටහන අධ්‍යාපන අමාත්‍ය පාර්ලිමේන්තු සභානායක මහරගම සම්බන්ධීකරණ කමිටු ගරු සභාපති දිනේෂ් ගුණවර්ධන මැතිතුමා හා සමෘද්ධි ගෘහ ආර්ථික ක්ෂුද්‍ර මූල්‍ය ස්වයං රැකියා හා ව්‍යාපාර සංවර්ධන රාජ්‍ය අමාත්‍ය ගරු ශෙහාන් සේමසිංහ මැතිතුමාගේ ප්‍රධානත්වයෙන් 2021-12-21 දින ප.ව 12.30 ට සිදු කරන ලදී.

මෙහිදී සමෘද්ධිලාභීන්ට රන්පත් සහතික ලබාදීම, ජීවනෝපාය උපකරණ ලබාදීම, ක්ෂුද්‍ර මූල්‍ය කුඩා ණය ලබාදීම, සමෘද්ධී ප්‍රජාමූල සමිති හරහා ලබාදෙන අරුණලු ණය වැඩසටහන, සමාජ ආරක්ෂන හා නිවාස ලොතරයි දිනුම් ක්‍රමයෙ ජයග්‍රාහිකාවන්ට චෙක්පත් ප්‍රධානය සිදු කරන ලදී. මේ සඳහා සමෘද්ධි අමාත්‍යාංශ ලේකම්තුමා, සමෘද්ධි අමාත්‍යාංශ අතිරේක ලේකම්, සමෘද්ධි දෙපාර්තමේන්තු අධ්‍යක්ෂ ,ක්ෂුද්‍රමූල්‍ය බැංකු අධ්‍යක්ෂ, කොළඹ දිස්ත්‍රික් සමෘද්ධි අධ්‍යක්ෂ, මහරගම ප්‍රාදේශීය ලේකම්තුමිය හා මාණ්ඩලික නිලධාරීන් ,සමෘද්ධි කළමනාකරු හා සමෘද්ධි සංවර්ධන නිලධාරීන් මේ සඳහා සහභාගි වන ලදී.

තවත් කියවන්න: සමෘද්ධි සෞභාග්‍යා සතිය හතරවන අදියර සමෘද්ධි ප්‍රතිලාභ ලබාදීමේ වැඩසටහන

මහරගම ප්‍රාදේශීය ලේකම් දිල්රුක්ෂි වල්පොල මැතිනිය හා සහකාර අධ්‍යක්ෂ සැලසුම් නිමල් දයාරත්න මහතා ගේ උපදෙස් මත සෞභාග්‍යා සිව්වන සතිය වෙනුවෙන් ප්‍රජා සේවා ජංගම උපදේශන සායනයක් නීලම්මහර ජය මාවත සුභ සාධක සමිති ශාලාවේ 2021-12-22 දින පවත්වන ලදී. මේ සඳහා සම්පත් දායකත්වය සපයනු ලැබුවේ මනෝවිද්‍යා උපදේශන නිලධාරී නේත්‍රා මාලගොඩ මහත්මිය විසිනි. මෙය සංවිධානය කරන ලද්දේ සංවර්ධන නිලධාරි එන් යමුනා චතුරානි පෙරේරා මහත්මිය හා K.B මුදිතා දිල්රුක්ෂි මහත්මිය විසිනි. මීට අමතරව මෙම ජංගම සායනය සඳහා සමෘද්ධි ශුද්‍ර මූල්‍ය කුඩා ව්‍යාපාර ස්වයං රැකියා ගෘහ ආර්ථික ව්‍යාපාර සංවර්ධන රාජ්‍ය අමාත්‍යාංශයෙ  ජාතික උපදේශන අධ්‍යක්ෂක තුමිය හා එම අමාත්‍යාංශයේ උපදේශන මඩුල්ලක් ද, හෝමාගම රත්මලාන දෙහිවල යන ප්‍රාදේශීය ලේකම් කොට්ඨාසවල මනෝවිද්‍යා උපදේශන නිලධාරී කණ්ඩායම ද සහභාගි වන ලදී.

තවත් කියවන්න: සෞභාග්‍යා සිව්වන සතිය වෙනුවෙන් ප්‍රජා සේවා ජංගම උපදේශන සායනය

අයවැය 2022 ග්‍රාමීය නිෂ්පාදන ආර්ථිකය ශක්තිමත් කිරීම තුලින් ගෘහ ආර්ථික හා ආහාර සුරක්ෂිතතාවය තහවුරු කරමු වැඩසටහන යටතේ ජීවනෝපාය සංවර්ධන ව්‍යාපෘති ඵලදායි ලෙස ක්‍රියාත්මක කිරීම සදහා අවශ්‍ය දැනුම හා අත්දැකීම් ලබා දීම අරමුණු කර ගනිමින් මහරගම ප්‍රාදේශීය ලේකම් කොට්ඨාසයේ සම්මන්ත්‍රණ මාලාවක් අධ්‍යාපන අමාත්‍ය පාර්ලිමේන්තු සභානායක මහරගම සම්බන්ධීකරණ කමිටු ගරු සභාපති දිනේෂ් ගුණවර්ධන මැතිතුමාගේ ප්‍රධානත්වයෙන් හා සම්බන්ධීකරණ කමිටු උප සභාපති උපාලි කොඩිකාර මැතිතුමා, කාන්ති කොඩිකාර මැතිණිය, නාගරික මන්ත්‍රීවරුන් හා මහරගම ප්‍රාදේශීය ලේකම් දිල්රුක්ෂි වල්පොල මැතිනිය ඇතුලු මාණ්ඩලික නිලධාරීන්, සියලුම අංශවල ක්ෂේත්‍ර නිලධාරීන් හා අනෙකුත් රාජ්‍ය ආයතන වල නිලධාරීන්ගේ සහභාගිත්වයෙන් 2021.12.21වන දින පෙ.ව. 10.00ට ප්‍රාදේශීය ලේකම් කාර්‍යාලයීය සංධ්වනි ශාලාවේදී පවත්වන ලදී. මේ සඳහා මුදල් අමාත්‍යාංශයේ නිලධාරීන්, කුඩා ව්‍යාපාර සංවර්ධන පුහුණු නිලධාරීන්, නිෂ්පාදන ආර්ථික ඉංජිනේරුවරුන්, ජීවිතය ජයගත් ව්‍යවසායකයින් සම්පත් දායකත්වය ලබා දෙන ලදී.

තවත් කියවන්න: මහරගම ප්‍රාදේශීය ලේකම් කොට්ඨාසයේ සම්මන්ත්‍රණ මාලාව