ඩෙංගු මර්දන සතියට සමගාමීව ඩෙංගු රෝග ව්‍යාප්තිය පාලනය කිරීම සහ ජනතාව අතර සෞඛ්‍ය ආරක්ෂණ දැනුවත්භාවය ඉහළ නැංවීමේ අරමුණින් මහරගම ප්‍රාදේශීය ලේකම් කොට්ඨාසය තුළ සංවිධානය කරන ලද විශේෂ ඩෙංගු මර්දන වැඩසටහන අද (16) කොට්ටාව ප්‍රදේශයේදි අග්‍රාමාත්‍ය ආචාර්ය හරිනි අමරසූරියගේ ප්‍රධානත්වයෙන් ආරම්භ විය.

මෙම ඩෙංගු මර්දන වැඩසටහන සඳහා ක්‍ර‍ීඩා හා තරුණ කටයුතු අමාත්‍ය සුනිල් කුමාර ගම්ලත්, මහජන ආරක්ෂක හා පාර්ලිමේන්තු කටයුතු නියෝජ්‍ය අමාත්‍ය සුනිල් වටගල, කොළඹ දිස්ත්‍රික් පාර්ලිමේන්තු මන්ත්‍රි දේවානන්ද සුරවීර, මහරගම නගර සභාවේ සභාපති සමන් සමරකෝන්,මහරගම ප්‍රාදේශිය ලේකම් හිමාලි කරුණාරත්න මහත්මිය ඇතුලු පිරිස සහ මහරගම නගර සභාව, කොට්ටාව පොලිසිය සහ ආරක්ෂක හමුදා කණ්ඩායම්, මහරගම ප්‍රාදේශීය ලේකම් කාර්යාලය, මහජන සෞඛ්‍ය නිලධාරී කාර්යාලය, නිවාස සංවර්ධන අධිකාරිය, ඉඩම් ලියාපදිංචි කිරීමේ කාර්යාලය, මාර්ගස්ථ මගී ප්‍රවාහන අධිකාරිය, කොට්ටාව ධර්මපාල විද්‍යාලය, කොට්ටාව ආනන්ද විද්‍යාලය සහ කොට්ටාව වෙළෙඳ සංගමය ඇතුළු ආයතන නියෝජනය කරමින් නිළධාරින් එක්ව සිටියහ